السلام عليكم ورحمة الله وبركاته
من اكثر من أسبوع وأنا اعاني من ألم في المعدة على الرغم من اني أنوع في اكلي يعني اكل من مطاعم لكن اختار منها الخيار الأقرب للخيار الصحي مثلا كبدة بدون خبز .. برجر لحم مشوي بدون مايونيز وهكذا
خلال الاسبوع الماضي كنت آخذ كل يوم قبل الدوام شيبس قلت في نفسي عادي ماراح يضر شي بسيط واخر شي أكلت شعيرية سريعة التحضير 🤷🏽♀️ هذا كان لمدة أسبوع 😱 لو اوصف لكم المعاناة الي مريت فيها و لازلت لكن أخف بشكل كبير الحمدلله 🥺
كان الألم يمنعني من النوم احيانا و يجي فجأة وحتى لو أكلت بنادول مايروح ممكن يخف لكن مايروح ابدا يجي فجأة ويختفي فجأة لدرجة اني صرت مااقدر اكل لكن كنت اغصب نفسي واكل شوربة شوفان واشياء خفيفة اعملها بنفسي بعدت عن السبايسي اصلا مو مرة أحب السبايسي وخففت من الحوامض مثل الاجبان ، ماصرت اقدر أعمل رياضة لمدة 4 أيام متواصلة 😭
أخذت موعد للمركز الصحي تبع الحي وفعلا رحت للمركز الصباح 🙄 قالت لي الدكتورة ايش اكلتي 😩 طبعا قلت لها كل شي .. فقالت لي الاكل ماناسبك و جدار المعدة محتاج يبني نفسه ثاني لازم تنتبهي للأكل و اعطتني ادوية اخذها قبل الاكل لمدة اسبوع والحمدالله اليوم قدرت أعمل رياضة 😃 بس حاولت مااضغط على نفسي كثير ياالله قد ايش الصحة غالية ماتتعوض 😭
ارجوكم حاولوا قد ماتقدروا تبتعدوا عن الأكل السريع والشيبسات أول مرة يصير معاية كذا والله من قلبي اتمنى ماتحسوا بالالم الي حسيته ارجوكم انتبهوا على اكلكم قد ماتقدروا ارجوكم 🤗
اتمنى للجميع دوام الصحة والعافية 🌷
اقبال فلاته 